Երևանում՝ 11:07,   23 Մայիս 2024

Շուրջ 20 երկիր կես միլիոն միավոր զինամթերք կգնի Ուկրաինայի համար

Շուրջ 20 երկիր կես միլիոն միավոր զինամթերք կգնի Ուկրաինայի համար

ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ: Մոտ երկու տասնյակ երկիր է միացել Ուկրաինայի համար զինամթերք գնելու Չեխիայի նախաձեռնությանը։ «Արմենպրես»-ի հաղորդմամբ՝ ԱՄՆ այցի ընթացքում այդ մասին հայտարարել է Չեխիայի վարչապետ Պետր Ֆիալան:

«Ուրախ եմ, որ մեր նախաձեռնությանն արդեն միացել է մոտ 20 երկիր արդեն միացել է »,- Deutsche Welle-ի հաղորդմամբ՝ հայտնել է Ֆիալան: Նա, մասնավորապես, նշել է Կանադան, Գերմանիան, Նիդեռլանդները և Լեհաստանը՝ հավելելով, որ դա հնարավորություն կտա մոտ 500 հազար հրետանային զինամթերք մատակարարել Ուկրաինային: Ըստ Ֆիալայի՝ դա կնպաստի ռազմաճակատում իրավիճակի ուղղակի փոփոխությանը:

Ֆիալան նաև նշել է, որ արկերի մատակարարումը պետք է Կիևին աջակցելու երկարաժամկետ ռազմավարություն լինի: Նա գտնում է, որ որևէ պատճառ չկա, որպեսզի 20 դոնոր երկրները հաջորդ 12 ամիսներին ևս մեկ միլիոն զինամթերք չմատակարարեն Ուկրաինային:

Չեխիայի վարչապետը չի հստակեցրել, թե որքան գումար է հաջողվել հավաքել, սակայն Ուկրաինայի վերակառուցման հարցերով չեխական կառավարության հանձնակատար Թոմաշ Կոպեչնիի հավաստմամբ՝ խոսքը մոտ 3 միլիարդ դոլարի մասին է։

Փետրվարին Մյունխենում տեղի ունեցած անվտանգության համաժողովում Չեխիայի նախագահ Պետր Պավելը հայտարարել էր Ուկրաինային 500 հազար՝ 155 մմ տրամաչափի և 300 հազար՝ 122 մմ տրամաչափի հրետանային արկ մատակարարելու իր երկրի մտադրության մասին: Նա առաջարկել էր զինամթերքը գնել երրորդ երկրներից։

Մարտին ամերիկյան The Wall Street Journal պարբերականը գրել էր, որ Չեխիան արդեն շուրջ 800 հազար հրետանային արկ գնել տարբեր երկրների մատակարարներից։ Լրացուցիչ միջոցների առկայության դեպքում Չեխիան կկարողանա գնել ևս 700 հազար արկ։ 


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]