Երևանում՝ 11:07,   16 Ապրիլ 2024

Հունգարիան վավերացրել է ՆԱՏՕ-ին անդամակցելու Շվեդիայի հայտը

Հունգարիան վավերացրել է ՆԱՏՕ-ին անդամակցելու Շվեդիայի հայտը

ԵՐԵՎԱՆ, 2 ՄԱՐՏԻ, ԱՐՄԵՆՊՐԵՍ: Հունգարիայի խորհրդարանի նախագահ Լասլո Կյովերը ստորագրել և հաստատման ու հրապարակման նպատակով մարտի 2-ին երկրի նախագահի աշխատակազմին է փոխանցել ՆԱՏՕ-ին անդամակցելու Շվեդիայի հայտը վավերացնող փաստաթուղթը:

«Արմենպրես»-ի տեղեկացմամբ՝ այդ մասին հայտնում է Reuters գործակալությունը` վկայակոչելով Հունգարիայի խորհրդարանի մամուլի ծառայությանը։

Հունգարիան ՆԱՏՕ-ի անդամ վերջին երկիրն էր, որի հավանությունն անհրաժեշտ էր, որպեսզի Շվեդիան միանա Հյուսիսատլանտյան դաշինքին: Հունգարիայի խորհրդարանը հայտը հաստատել էր փետրվարի 26-ին: Վավերացմանը կողմ էին քվեարկել գրեթե բոլոր պատգամավորները՝ 188 ընտրյալ: Դեմ էր արտահայտվել վեց խորհրդարանական:

Շվեդիայի վարչապետ Ուլֆ Քրիստերսոնը հայտարարել է, որ դա պատմական օր է իր երկրի համար։ Իսկ ՆԱՏՕ-ի գլխավոր քարտուղար Յենս Ստոլտենբերգը նշել է, որ Շվեդիայի անդամակցությունը կառույցին ավելի ուժեղ և ապահով կդարձնի բոլորին:

Շվեդիան և Ֆինլանդիան 2022 թվականին միաժամանակ էին ներկայացրել ՆԱՏՕ-ին անդամակցելու հայտը: Ֆինլանդիան դաշինքին պաշտոնապես անդամակցում է 2023 թվականի ապրիլի 4-ից։ Շվեդիայի անդամակցությունը ձգձգվեց այդ հարցում Թուրքիայի և Հունգարիայի կողմից համաձայնության բացակայության պատճառով: Թուրքիայի նախագահ Ռեջեփ Էրդողանը միայն 2024 թվականի հունվարի վերջին հաստատեց դաշինքին Շվեդիայի միանալու արձանագրությունը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]