Երևանում՝ 11:07,   18 Ապրիլ 2024

Թեհրանն Իսրայելին մեղադրել է փետրվարի 14-ին Իրանում գազատարները պայթեցնելու մեջ

Թեհրանն Իսրայելին մեղադրել է փետրվարի 14-ին Իրանում գազատարները 
պայթեցնելու մեջ

ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Իրանի նավթի նախարար Ջավադ Օուջին կառավարության նիստում հայտարարել է, որ իրանական գազատարների դեմ երկու դիվերսիոն գործողությունների համար պատասխանատվություն է կրում Իսրայելը։ «Արմենպրես»-ի փոխանցմամբ՝ այս մասին հաղորդում է Tasnim գործակալությունը։

Գազատարների վրա պայթյուններ էին իրականացվել փետրվարի 14-ին Ֆարսի, ինչպես նաև Չհարմահալ և Բախտիարիի նահանգներում:

Օուջիի խոսքով՝ «Իսրայելի դավադրությունն ավարտվել է ձախողմամբ», քանի որ ընդամենը մի քանի  խողովակ է վնասվել։

Օուջին հայտնել է, որ գազամատակարարման ցանցը գործում է բնականոն ռեժիմով։

Փետրվարի 14-ին Օուջին լրագրողներին հայտնել էր, որ Իրանի հարավ-արևմուտքում գազատարների պայթյունները հրդեհներ են առաջացրել, սակայն ոչ ոք չի տուժել: Նրա պնդմամբ՝ դիվերսանտների խմբերը գազատարները պայթեցրել էին միանգամից մի քանի վայրերում՝ մի շարք շրջաններում առաջացնելով գազամատակարարման խափանումներ։ 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]