Երևանում՝ 11:07,   22 Փետրվար 2024

Եվրահանձնակատարը կանխատեսում է, որ Ուկրաինան պատրաստ կլինի դեկտեմբերին ԵՄ-ին անդամակցելու շուրջ բանակցություններին

Եվրահանձնակատարը կանխատեսում է, որ Ուկրաինան պատրաստ կլինի 
դեկտեմբերին ԵՄ-ին անդամակցելու շուրջ բանակցություններին

ԵՐԵՎԱՆ, 2 ԴԵԿՏԵՄԲԵՐԻ, ԱՐՄԵՆՊՐԵՍ: Եվրահանձնաժողովը (ԵՀ) ցանկանում է արագացնել ԵՄ-ին Ուկրաինայի անդամակցության շուրջ բանակցությունների մեկնարկի հաստատման գործընթացը և կարծում է, որ Կիևի իշխանությունները կկարողանան կատարել դեկտեմբերի կեսերին կայանալիք գագաթնաժողովի բոլոր պահանջները: «Արմենպրես»-ի փոխանցմամբ՝ այս մասին Le Monde թերթին տված հարցազրույցում հայտարարել է Եվրահանձնաժողովի ղեկավարի տեղակալ Վերա Յուրովան:

«Եկեք չսպասենք մինչև մարտ։ Երբ Եվրահանձնաժողովն այդ առաջարկն արեց նոյեմբերին, մենք կարծում էինք, որ Կիևին ևս մի քանի ամիս կպահանջվի ԵՄ-ի սահմանած չափանիշներին համապատասխանելու համար», - նրա խոսքերն է մեջբերել ՏԱՍՍ-ը:

Ըստ նրա՝ դեկտեմբերի կեսերին կայացած գագաթնաժողովում առաջարկվում էր քաղաքական համաձայնության հասնել դրանց ընդունման վերաբերյալ և 2024 թվականի մարտին նոր գնահատականից հետո սկսել ԵՄ-ին Ուկրաինայի անդամակցության շուրջ բանակցությունները, եթե կատարվեն բոլոր պայմանները:

«Ես նոր եմ վերադարձել Կիևից, և իմ տեսածից դատելով ՝ դեռ շատ անելիքներ կան կոռուպցիայի դեմ պայքարի և փոքրամասնությունների պաշտպանության առումով։ Սակայն Ուկրաինան վճռական է տրամադրված և պատրաստ կլինի դեկտեմբերի կեսերին։ Երկու շաբաթ անց Եվրահանձնաժողովը եվրոպացի առաջնորդներին կտեղեկացնի, որ Ուկրաինան համապատասխանում է բոլոր պայմաններին ՝ անդամակցության շուրջ բանակցություններն անհապաղ սկսելու համար», - ասել է եվրահանձնակատարը։


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]