Երևանում՝ 11:07,   18 Ապրիլ 2024

ԱՍՀ նախարարը Լիբանանի գործընկերոջ հետ քննարկել է ԼՂ-ից բռնի տեղահանվածների ՀՀ-ում տեղավորման և օգնության հարցեր

ԱՍՀ նախարարը Լիբանանի գործընկերոջ հետ քննարկել է ԼՂ-ից բռնի 
տեղահանվածների ՀՀ-ում տեղավորման և օգնության հարցեր

ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ: Աշխատանքի և սոցիալական հարցերի նախարար Նարեկ Մկրտչյանը հանդիպում է ունեցել այս օրերին Հայաստանում գտնվող Լիբանանի սոցիալական հարցերի նախարար Հեկտոր Հաջարի հետ։

Ինչպես «Արմենպրես»-ին տեղեկացրին ՀՀ աշխատանքի և սոցիալական հարցերի նախարարությունից, հանդիպման ընթացքում քննարկվել են ԼՂ-ից բռնի տեղահանված անձանց ՀՀ-ում տեղավորմանն ու անհրաժեշտ օգնության տրամադրմանն առնչվող մի շարք հարցեր։

«Նախարար Մկրտչյանն անդրադարձել է տեղահանված անձանց աջակցության ուղղությամբ ՀՀ աշխատանքի և սոցիալական հարցերի նախարարության կողմից իրականացվող աշխատանքներին, այդ թվում՝ մանրամասնելով առաջնային կարիքների հաշվառման գործընթացը»,- ասվում է հաղորդագրության մեջ։  

Ըստ աղբյուրի՝ Հեկտոր Հաջարը նշել է, որ Լիբանանը ևս անցել է մի շարք մարտահրավերների միջով, և որպես սոցիալական պաշտպանության ոլորտը համակարգող գերատեսչություն, իրենք պատկերացնում են Հայաստանի առջև ծառացած խնդիրները։

Նշվում է, որ կողմերը քննարկել են նաև երկու երկրների սոցիալական պաշտպանության ոլորտում համագործակցությանն ուղղված հետագա քայլերը։ 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]