Երևանում՝ 11:07,   18 Ապրիլ 2024

Վրաստանը Օդեսայի մարզի Ռենի նավահանգստից տարհանում Է վեց նավաստիների

Վրաստանը Օդեսայի մարզի Ռենի նավահանգստից տարհանում Է վեց 
նավաստիների

ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ։ Վրաստանի իշխանությունները տարհանում են Ուկրաինայի Օդեսայի մարզի Ռենի նավահանգստում Մալթայի դրոշի ներքո բեռնատար նավի վրա գտնվող վեց նավաստիներին, որոնք հարձակման են ենթարկվել: «Արմենպրես»-ի հաղորդմամբ՝ այս մասին հայտնում է ՏԱՍՍ-ը՝ վկայակոչելով Վրաստանի ծովային տրանսպորտի գործակալությունը:

«Վրաստանի ծովային տրանսպորտի գործակալությունը միացել է հուլիսի 24-ին Օդեսայի մարզի Ռենի նավահանգստում Մալթայի դրոշի ներքո լողացող Akomena նավից վեց նավաստիների հայրենադարձման գործընթացին»,- նշվում է հաղորդագրության մեջ:

Գերատեսչության տեղեկատվության համաձայն՝ նավաստիներն արդեն գտնվում են Ռումինիայի սահմանի մոտ և մոտ ժամանակներս կվերադառնան Վրաստան: Գերատեսչությունն ուղիղ կապի մեջ է նավատիրոջ հետ և Վրաստանի ԱԳՆ-ի հետ հետևում է տարհանման գործընթացին:

Ինչպես հաղորդել Է ուկրաինական «Страна» պարբերականը, Ռենի նավահանգիստը, որը գտնվում է ուկրաինա-ռումինական սահմանի մոտ, գիշերը ենթարկվել է անօդաչու թռչող սարքի հարձակման, ինչի հետևանքով ոչնչացվել է հացահատիկի երեք պահեստ:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]